ការសាងនិស្ស័យជាអ្នកអនុវត្តជាក់ស្ដែង

            កាលបើសង្កេតពីមនុស្សទាំងឡាយ ដែលយើងតែងជួបប្រទះជាប្រចាំ ទាំងមនុស្សសាមញ្ញ អ្នកតូចអ្នកធំ អ្នកជំទាស់ប្រឆាំង ឬអ្នកផ្ដល់យោបល់ យើងនឹងសង្កេតឃើញថា ចំពោះកិច្ចការផ្សេងៗ អ្នកដែលអាចគិតឃើញនិងនិយាយបានគឺមានស្ទើរតែ
គ្រប់គ្នាទាំងអស់។ ប៉ុន្តែនៅពេលយើងដាក់សំនួរមួយទៀងថា តើធ្វើបានហើយឬនៅ? យើងនឹងឃើញថា ភាគរយនៅសល់ស្ទើរមិនដល់ ១០% ផង។ នេះគឺជាហេតុផលមួយដែលបង្ហាញថា មានមនុស្សជាច្រើនដែលគួរតែបានឡើងតំណែង ប៉ុន្តែកត្តាម្យ៉ាងដែលគេនៅខ្វះគឺសមត្ថភាពក្នុងការសម្រេចឲ្យចេញជាផ្លែផ្កានេះឯង។

ដើម្បីក្លាយខ្លួនជាអ្នកអនុវត្តជាក់ស្ដែងត្រូវអនុវត្តនូវគោលការណ៍ខាងក្រោម៖

១. លូកដៃធ្វើតែម្ដងទៅ កុះរវល់តែឈរឱបដៃមើល។
២. កុំរង់ចាំទាល់តែមានអំណោយផលគ្រប់យ៉ាង ព្រោះវាមិនមានថ្ងៃនឹងឲ្យអ្វីល្អគ្រប់យ៉ាងបានទេ។ ត្រៀមខ្លួន​ប្រឈមមុខនឹងឧបសគ្គក្នុងអនាគត ហើយដោះស្រាយនៅពេលណាដែលវាកើតឡើង។
៣. ​សូមចងចាំថា បើគ្រាន់តែគិតមិនអាចនាំឲ្យមានជោគជ័យបានទេ ការគិតនឹងមានតម្លៃលុះត្រាតែយកវាមកអនុវត្តឲ្យកើតជាប្រយោជន៍។ បើមានគំនិតល្អ ចូរធ្វើឲ្យកើតអ្វីម្យ៉ាងៗទៅទើបហៅថា ៉មនុស្សសាច់ការ ៉។
៤. ដើម្បីកុំឲ្យនៅតែខ្លាចចូរធ្វើតែម្ដងទៅ សាកលមើល!
៥. បញ្ឆេះម៉ាស៊ីនដោយខ្លួនឯង កុំចាំទាល់តែបានធ្វើ... កុំស្ពឹក​ ពេលចាប់ផ្ដើមធ្វើទៅ ចិត្តនឹងចង់ដោយខ្លួនឯងហើយ។
៦. ប្រកាន់យកទម្លាប់ ៉ ធ្វើឥឡូវនេះ ៉ ... ពាក្យថា ថ្ងៃស្អែក អាទិត្យក្រោយ ថ្ងៃក្រោយ ថ្ងៃណាមួយ...សុទ្ធតែពាក្យសម្រាប់អ្នកចាញ់ បានន័យថា គ្មានថ្ងៃ គ្មានផ្លូវទេ... ហេតុនេះសូមកុំពន្យារថ្ងៃនេះថ្ងៃនោះ។
៧. បើធ្វើបានគូរធ្វើតែម្ដងទៅ មិនបាច់ក្យាច់ក្បូរអ្វីច្រើន មិនបាច់ចាំត្រៀមខ្លួន បង្អែរបង្អង់ ឬរៀបចំខ្លួបអ្វីច្រើននាំតែខាតពេលនោះទេ។
៨. ធ្វើជាអ្នកផ្តួចផ្ដើម បំផុសបំផុល ចូលរួមស្មគ្រចិត្ត... លីខ្វែវ ចូលព្រៃឲ្យឃើញសខ្មៅតែម្ដង ទើបហៅថាជាអ្នកចិត្តស្លូយ អង់អាច មានសមត្ថភាព ឧស្សាហ៏ប្រឹងប្រែង។ ចូលលេខ ជាន់ហ្ការ៍ ប្រុយ!...